Voltamos cun reto familiar

Nunha conversa entre Xoán e Xosé sobre as súas familias, Xosé pregunta:

– Xoán, cantos anos teñen as túas 3 fillas?

– Pois mira, a multiplicación dos seus anos dá 36, e se os sumas dáche o número da casa na que ti vives – respondeu Xoán.

Despois duns intres de reflexión Xosé di:

– Oes, pero para sabelo fáltame un dato.

– Tes toda a razón – responde Xoán – olvidei decirche que a maior das 3 sabe tocar o piano.

Agora xa che toca a ti. Cal é a idade de cada unha das fillas de Xoan?kasass

O hotel con infinitos cuartos

No hotel con infinitos cuartos sempre hai un dormitorio para calquera.

Un bo día chega un turista para hospedarse no hotel. A recepcionista revisa os cuartos que están ocupados e comproba que… HAY INFINITOS CUARTOS OCUPADOS! Despois duns segundos de histeria, decátase de que, como o hotel ten infinitos cuartos, pode asignarlle un ao novo hóspede.

1) Que cuarto lle asigna e como?

Pouco despois de resolver o problema, chegan de novo ao hotel… INFINITOS TURISTAS demandando cadanseu cuarto e, claro, a recepcionista terá que asignárllelos, aínda que xa haxa infinitos cuartos que están ocupados.

2) Como resolve esta nova situación?

ENC-020_Hotel-infinito

Veña: a darlle voltas ao enxeñoso e fabuloso infinito! Non hai quen o pille, pero podemos seguilo.

Solución.

Cita célebre en data sinalada

Un viaxeiro chegado doutra época desexa saber a que data chegou para poder levar a cabo a misión que lle encomendaron. Para iso, diríxese no presente a un bar. Alí atópase cunha persoa que parece algo borracha.

—En que ano estamos? -—pregunta o viaxeiro.
—En 2017, hip! —responde mentres bota un grolo.
—Que día é hoxe? —volve preguntar o viaxeiro.
—Hip! Pois se onte fose mañá, hoxe sería venres, hip! —contéstalle o outro todo cheo de razón.

Poderías axudar o noso viaxeiro a deducir que día da semana é?

Solución.

Os 3 sombreiros.

Deixámosvos un primeiro reto para que pensedes un pouco.

Nunha mesa hai 3 sombreiros negros e dous brancos. Tres persoas situadas en fila india collen un sombreiro e póñeno sen mirar de que cor é.

Preguntámoslle ao terceiro da fila, que  pode ver a cor do sombreiro do segundo e do primeiro, se é capaz de dicir de que cor é o seu sombreiro. Responde que non.

Preguntámoslle ao segundo da fila, que só pode ver o sombreiro do primeiro, se é capaz de dicir de que cor é o seu sombreiro. Responde que non.

Por último, preguntámoslle ao primeiro da fila, que non pode ver ningún sombreiro, e este di que que si que sabe de que cor é o seu sombreiro.

Cal é a cor do sombreiro do primeiro da fila e como é que foi capaz de sabelo?

sombreros

Solución.