A ciencia é divertida.
O luns 9 de abril o equipo do Rally foi á final autonómica celebrada en Santiago de Compostela. Competiu de forma extraordinaria fronte a outros equipos extraordinarios, quedando nun máis que digno terceiro posto. Pero o máis importante é que os integrantes do equipo volveron pensando en repetir o próximo ano. Todos nós estamos moi orgullosos deles. Parabéns!
O sábado 7 de abril participamos dendo o Club de Ciencia na Feira das Matemáticas que se celebrou no Palexco, A Coruña. Levamos un xogo, que chamamos “Apaga o lume”, co que os pequenos puideron poñer a proba as súas destrezas con números enteiros. Pasámolo e pasárono xenial. Aquí tedes algunha foto do stand que montamos e da xornada matemática.
Onte, Martes 13, ás 16.00 celebrouse no centro a primeira fase do Rally Matemático sen fronteiras. Os alumnos participantes xantaron xuntos no centro antes da proba. Os resultados aínda non os coñecemos, pero do que podemos dar fe é de que os rapaces pasárono xenial facendo matemáticas. Porque as mates molan.
Os integrantes do Club de Astronomía realizaron unha simulación a pequena escala do Sistema Solar. Mirade o proceso de elaboración e o impresionante que lles quedou.
O día 11 de febreiro conmemórase o Día Mundial da Muller na Ciencia. As mulleres teñen participado na investigación ao longo de toda a historia e lideran avances científicos cada día. Por iso queremos animar a todas as rapazas a seguir participando, a abrir novos camiños, a propoñer novos temas, a enriquecer a ciencia con novas perspectivas, para continuar facendo historia.
Rescatar do esquecemento o nome de moitas mulleres científicas que souberon adiantarse ao seu tempo é hoxe un deber. Velaquí unha pequena mostra das súas achegas. Mulleres da Ciencia.
Continuamos a proxectar o traballo que facemos no club. Este luns veu a TVG para facer eco da labor científica do Club. Aquí tedes a reportaxe.
O xornal La Opinión publica hoxe un artigo sobre a canteira de científicos do IES María Casares.
O xoves 18 de xaneiro membros do Club de Ciencia visitamos no Ágora en A Coruña: “Converxencias arte e ciencia”.
Durante a visita ensináronnos obras de arte realizadas a partires de ecuacións matemáticas cunha impresora 3D (Xa sabemos para que serven as matemáticas!). Explicáronnos o fundamento do cubismo a través das obras de Picasso e Juan Gris e puidemos comprobar como, este último, aplicaba rotacións e modificacións de escala nas súas obras.
Na exposición fixéronnos un percorrido pola arte e a súa relación coa ciencia a través do tempo: observamos a simplicidade xeométrica dos trisqueis, tetrasqueis e pentasqueis, a beleza dos fractais, algunhas das fórmulas matemáticas que se empregan en arquitectura (hipérboles e parábolas) e a xeometría que subxace nun balón de fútbol (icosaedro truncado) que é a do fullereno, unha variedade de carbono cristalino.
Nos obradoiros aprendemos a teselar tendo en conta un sinxelo truco: hai que conservar a área! Aprendemos a sinxeleza e utilidade dos arcos catenarios, o papel fundamental que desempeña a clave na súa estabilidade e comprobamos como a persistencia retiniana é o fundamento de moitas ilusións ópticas.
Unha vez máis, obxectivo cumprido! A experiencia resultou moi instrutiva, aprendemos cousas novas dun xeito diferente!
Club de Ciencia 